Leseinspirasjon

Nytt i biblioteket

Hausten er lanseringstid for alle dei store forlaga – følg med på Siste nytt i biblioteket, og send melding hvis du vil stå på venteliste!

Jeg er vakker og stygg som juling

Ny bok i biblioteket om spiseforstyrringar: «Jeg er vakker og stygg som juling : terapi og selvhjelp ved spiseforstyrrelser», av Nils Henrik Hougen. Forlaget skriv, at dette er forteljinga om Kaia, og korleis ho i løpet av ein sommarferie ved sjøen, slipp fri frå ei nervøs spiseforstyrring og finn tilbake til seg sjølv og dei grunnleggande verdiane i livet. Boka er både ein roman og ei sjølvhjelpsbok.

Forfattaren har utvikla ein terapeutisk metode basert på nevro-lingvistisk programmering (NLP), som både nasjonalt og internasjonalt brukast i couching og undervisning. Boka inneheld terapeutisk materiale og praktiske øvingar. Ho kan lesast av alle som har ei spiseforstyrring, av familiemedlem, terapeutar og andre som møter sjukdomen i jobb eller i familien. Meir stoff om spiseforstyrringar.

Nytt og kritikarrost for vaksne

Har du lese den fantastiske Mi briljante venninne av Elena Ferrante? Elena fortel om seg sjølv og bestevenninna Lila, gjennom barndomsåra deira i ein lutfattig bydel i Napoli på 50-talet. Vi får høyra om alle intrigene og konfliktane som utspelar seg mellom dei hissige, kranglevorne og driftige naboane i strøket, om forelskingar og venskap og slit og strev for å klara seg på skulen og i arbeidslivet – og etterkvart om alt som begrensar og styrar framtida deira, anten det er pengemangel, mafiakonfliktar, valdelige fedrar, politiske motsetningar, og mykje meir. Andre boka i kvartetten er no ute på norsk, og har fått like strålande kritikkar som den første.

Gjennom erindringane til Elena får vi ei vilt underhaldande skildring av etterkrigshistoria i Italia, og ein hjartebankande forteljing om eit komplisert og intenst venskap.

Meir nytt og kritikarrost i Os folkebibliotek finn du her.

Dystopiar for ungdom

  Valdsame væromslag, store klimaendringar, polane smeltar, grunnvatnet tappast ned for å vatna plenar og fylla svømmebasseng. Politikk er komplisert, kloden er herja av valdelige konfliktar, ekstremisme, pandemiar, krig, fattigdom, menneske på flukt. Endringane i verda er store og dramatiske!

Sigbjørn Mostue skriv i boka I morgen er alt mørkt om ein supersmittsom hjernesjukdom som spreier seg lynraskt frå Asia til resten av verda, og gjer dei som er angripne blinde av raseri og vanvittig aggressive. Det er superspennande, om flotte ungdommar som må ta inn over seg kva som skjer når samfunnet raknar i hurtigtempo! Kven tenkjer bare på seg sjølv? Kven får panikk? Korleis finna mat, bekjempa infeksjonar, forsvara seg mot «monstra» og samstundes behalda empati og omtanke for andre? Første boka i serien har undertittelen: «Brages historie», og andre boka, som nett no er på plass i bibliotekhylla, heiter: «Marlens historie».

Dystopiar er ein ny trend – og det er spennande!

Moro med språk & identitet

Er du ein av dei som elskar bøkene til finske Arto Paasilinna? Prøv Diego Marani: Den siste vostjakeren, eller: Ny finsk grammatikk, nydeleg omsatt frå italiensk av Jon Rognlien. Vittig, underfundig og burlesk litteratur! Begge forteljingane handlar om korleis ord og språk formar tolkinga vår av verda kring oss.

Cathrine Krøger skriv i Dagbladet: Dette er en helt sjelden bok, nesten arkaisk i oppbygningen, med raske sceneskift, knapt, grovt og effektivt. Språket er en blanding av snurrig fagterminologi, humor, ironi, hverdagsligheter og høystemt lovsang, imponerende oversatt av Jon Rognlien. Her er også de vakreste mest overraskende … bilder: «… fra de fjerne himmelstrøk av hukommelsen steg det fram stjernebilder av feighet, hele galakser av løgn».

Løkkeskrift & rosenknoppar

Først vart dei omtala som «Dameromanar», no skal dei visst kallast «Løkkeskriftforteljingar». Hos oss har dei alltid vore Godbitar & Leseknask – dramatiske, storslåtte, heftige og eventyrlege. Gråt og latter om kvarandre. Store kjensler og tragiske hendingar – kven har sagt at ei forteljing ikkje kan stansast akkurat der ho når sitt spenningsforløysande høgdepunkt?! Du finn òg oppdaterte lister over Godbitar i biblioteket, dersom du liker å kjenne papir mellom fingrane.

Frisk start på sommarsesongen?

Det gode liv kan vera så mykje – eit glas vin og ei god bok foran peisen, spretne turar i skog og mark medan frosten sprakar under skosålene, ei roleg nattevandring under stjernene med ein du er glad i … Vi har ikkje kafe i biblioteket (enno!), men vi har mange inspirerande bøker om mat & drikke! Du finn dei på eiga hylle i fagboksamlinga vår. Dessutan bøker om mindfulness, yoga, trening og kosthald – les og bli inspirert!